Irakurketa erreza kluba

Udazkenean ere, Irakurketa Erraza kluba euskaraz

2016-09-05 - Bagera

Udazkenean ere, Irakurketa Erraza kluba euskaraz abian jarriko dugu Koldo Mitxelena Kulturunean. Urriaren lehen astetik hasita, sei astez bilduko da taldea Irakurketa Errazeko liburu bat elkarrekin irakurtzeko.

Nerea Aizpurua Iraola eta Lina Ugarte izango dira gidariak, eta modu guztiz ludiko, dinamiko eta atseginean Fernando Morilloren “Santiago Bidearen Misterioa” euskarazko eleberria irakurriko da.

Euskara ikasten ari den edo euskaraz irakurtzeko ohiturarik ez duen jendeari zuzendua dago kluba, Irakurketa Erraza formatuko liburua baita eleberria. Euskaraz irakurtzearen (eta ulertu eta gozatzearen) lilura suspertzea da helburua.

DATAK: Urriaren 5etik  azaroaren 9ra – asteazkenero

ORDUA: 19:00etatik 20:00etara

TOKIA: Koldo Mitxelena Liburutegian

Izen-emate epea: Irailaren 19tik 30a arte izango da Bagera Elkartean

Telefonoa: 943005074

e-posta: bagera@bagera.eus

Helbidea: Hernani kalea 15 behea